Tuesday, September 3, 2013

ഉണ്ടോ...?

നടന്നു തീർത്ത വഴിയിലേക്ക് നീ തിരിഞ്ഞു നോക്കിയിട്ടുണ്ടോ?
ആ വഴിയിൽ പകച്ചു നിൽക്കുന്ന മുഖങ്ങൾ തിരിച്ചറിഞ്ഞിട്ടുണ്ടോ?
മാഞ്ഞു തുടങ്ങിയ കാൽപാടുകൾ ആരുടേതെന്ന് നീ സന്ദേഹിച്ചിട്ടുണ്ടോ?
നിനക്ക് തണലേകിയ പൂമരത്തിന്റെ സുഗന്ധം ഓർമ്മ കിട്ടാറുണ്ടോ?
നീ ആട്ടിയകറ്റിയവർ ഒഴിഞ്ഞുമാറിപ്പോയ ഇടവഴികൾ അവിടെ നീ കണ്ടിട്ടുണ്ടോ?
നീ അന്തിയുറങ്ങിയ സത്രങ്ങൾ ആ വഴിയോരത്ത് ഇന്നുമുണ്ടോ?
നിന്നെ കൊല്ലാതെ വിട്ട ശത്രുവിന്റെ പേരോർമ്മയുണ്ടോ?

വഴിയുടെ ആരംഭം തേടിയുള്ള യാത്രയിൽ നിനക്ക് വഴി തെറ്റിപ്പോയിട്ടുണ്ടോ?