Saturday, January 31, 2009

സാംസ്കാരികപോലീസ്

ബജ്റംഗ് ദള്‍ പ്രവര്‍ത്തകര്‍ കോളേജില്‍ നിന്നും ടൂറ് പോവുകയായിരുന്ന ബസിന് കല്ലെറിഞ്ഞെന്ന വാര്‍ത്ത കണ്ടപ്പോളേ എനിക്ക് തോന്നിയിരുന്നു അത് ഏതെങ്കിലും ഇടതുപക്ഷ-വ്യാജമതേതര-ജിഹാദി മാധ്യമക്കാര്‍ വളച്ചൊടിച്ചതായിരിക്കുമെന്ന്. ആരെങ്കിലും ആര്‍ഷഭാരതസംസ്കാരത്തിനെ നശിപ്പിക്കാന്‍ തുനിഞ്ഞിറങ്ങിയാലല്ലാതെ രാമ-ശൈവ-വാനര-സേനകള്‍ ഇടപെടാറില്ലെന്ന് അറിയാവുന്നതിനാല്‍ ബസിനകത്ത് നടന്ന മഹാപാതകമെന്തെന്ന് അറിയാന്‍ എനിക്ക് ഉത്കണ്ഠ തോന്നി. അതുകൊണ്ടാ വാര്‍ത്ത മുഴുവനും ഇരുന്ന് വായിച്ചു. അപ്പോഴല്ലേ കാര്യം മനസിലായത്; സേനക്കാരെ കുറ്റം പറയാന്‍ പറ്റില്ല. ആര്‍ഷഭാരതത്തിലെന്നല്ല, ലോകത്ത് വല്ലവരും ചെയ്യുന്ന കാര്യമാണോ പരസ്യമായി ആ ബസിനകത്ത് നടന്നത്? ചെയ്തത് കുറഞ്ഞ് പോയെന്നേ ഞാന്‍ പറയൂ. കല്ലെറിഞ്ഞാല്‍ പോരായിരുന്നു, ആ ബസും അതിലുള്ളവരെയും ജീവനോടെ കത്തിച്ചു കളയണമായിരുന്നു. അവര്‍ ചെയ്തതെന്താണെന്നല്ലേ - ആ ബസിനകത്ത് പരിപാവനരായ ഹിന്ദു പെണ്‍കുട്ടികളും ക്രിസ്ത്യാനികളും മുസ്ലീമുകളുമായ കാപാലികന്‍മാരും ഒരുമിച്ചായിരുന്നൂവത്രേ യാത്ര. ശിവ ശിവാ... കലികാലം കലികാലം എന്ന് പറഞ്ഞാല്‍ ഇത്രയും വരുമെന്ന് നിങ്ങള്‍ നിരൂപിച്ചോ?

പെണ്‍കുട്ടികള്‍ ഇങ്ങനെ അന്യമതക്കാരുടെ കൂടെ ഒരേ ബസില്‍ യാത്ര ചെയ്യുന്നത് ധാര്‍മ്മികതയാണോ? പെണ്‍കുട്ടികള്‍ ടൂറ് പോകുന്നത് പോലും നമ്മുടെ സംസ്കാരത്തിന് ചേര്‍ന്നതാണോ? അവര്‍ പള്ളിക്കൂടത്തില്‍ പോകുന്നത് തന്നെ ആര്‍ഷഭാരതത്തില്‍ കേട്ടുകേള്‍വിയുള്ള കാര്യമാണോ? എല്ലാവരും പഠിച്ച് വിദ്യാഭ്യാസം നേടിയാല്‍ ഞങ്ങള്‍ക്ക് കല്യാണം കഴിക്കാന്‍ പെണ്ണുണ്ടാവുമോ? അന്യമതസ്ഥരോട് എതിര് കാട്ടണമെന്ന് പ്രവാച‍കന്‍ *ഉപനിഷത്തുക്കളില്‍ പറഞ്ഞിട്ടില്ലേ? സ്ത്രീകള്‍ വീടിന് പുറത്തിറങ്ങരുതെന്ന്‍ ഖുറാനില്‍ *പുരാണങ്ങളില്‍ വ്യക്തമായി എഴുതി വച്ചിട്ടില്ലേ?

വാര്‍ത്തയില്‍ നിന്ന്:
A student said: “When we asked them why they were targeting us, they told us to stop cultivating friends from other communities.”

When contacted by The Hindu, president of the city unit of the Bajrang Dal Sharan Pumpwell said: “It is a natural reaction from us against those who dare to commit moral violations.”

He claimed that the attack on the bus was based on a tip off by one of the students who was also part of the excursion. “Our boy informed us that several Hindu girls were travelling in the bus which also had Muslim and Christian boys,” he said.
അദ്ദാണ്.. ഭാഗ്യത്തിന് ബസിനകത്ത് ഭാരതസംസ്കാരത്തെ കുറിച്ച് ഉത്കണ്ഠയുള്ള ഒരാളെങ്കിലും ഉണ്ടായിരുന്നു; ഇല്ലായിരുന്നെങ്കിലത്തെ കാര്യം ആലോചിച്ച് നോക്കിക്കേ. ഹിന്ദു പെണ്ണുങ്ങളെയെല്ലാം ആ കാപാലികന്‍മാര്‍... ഹോ.. ദേവീകൃപ ഒന്ന് കൊണ്ട് മാത്രം രക്ഷപ്പെട്ടു.

അടുത്ത അധ്യയനവര്‍ഷം മുതല്‍ ടൂറ് പോകുന്ന എല്ലാ ബസുകളിലും സാംസ്കാരികപോലീസുകാരുടെ വക ഒരു മേല്‍നോട്ടക്കാരനെ ഏര്‍പ്പെടുത്താന്‍ ഞങ്ങള്‍ തീരുമാനിച്ചു കഴിഞ്ഞു. ആരാണ് അതിന് അധികാരം നല്‍കിയതെന്നോ? ഹേയ് മിസ്റ്റര്‍, നിങ്ങളൊരു കാര്യം മനസിലാക്കണം: ആര്‍ഷഭാരതസംസ്കാരം തകര്‍ന്ന് വീഴുമ്പോള്‍ അതിനെ സംരക്ഷിക്കുക എന്നത് ഞങ്ങളുടെ ചുമതലയാണ് - അതാരും പറഞ്ഞിട്ടൊന്നും വേണ്ട.

ഞങ്ങളെങ്ങാനും രണ്ട് പെഗ്ഗടിച്ചിട്ട് വല്ല കമന്റുമടിച്ചാല്‍ തിരിഞ്ഞു നോക്കാത്ത ചില ഭാരതവനിതകള്‍ അവര്‍ക്കിഷ്ടമുള്ളവരുടെ കൂടെ ഡാന്‍സ് കളിക്കുന്നതും കള്ളുകുടിക്കുന്നതും (ശിവശിവാ..) ഞങ്ങളുടെ ശ്രദ്ധയില്‍ പെട്ടപ്പോള്‍ ഞങ്ങള്‍ അവരെ തികച്ചും മാന്യമായ രീതിയില്‍ സംസ്കാരം പഠിപ്പിച്ചതിനെ ഇടതുപക്ഷ-വ്യാജമതേതര-ജിഹാദി മാധ്യമങ്ങള്‍ വളച്ചൊടിച്ചതും ഞങ്ങള്‍ അറിയുന്നുണ്ട്. (അസുരന്മാര്‍ വ്യാജവീഡിയോ വരെ ഇറക്കി‍ക്കളഞ്ഞു). അതൊന്നും കണ്ട് നിങ്ങള്‍ വഴിതെറ്റില്ലെന്ന് പ്രതീക്ഷിക്കുന്നു. അവര്‍ പബില്‍ ജിഹാദിപ്രവര്‍ത്തനം നടത്തുന്നതായി നമ്മുടെ രഹസ്യാന്വേഷണവിഭാഗം വിവരം തന്നിട്ടാണ് നമ്മള്‍ അവിടെ അങ്ങനെയൊക്കെ ചെയ്തതെന്ന് നിങ്ങള്‍ക്കറിയാമല്ലോ.

ഇത് പോലെ ആര്‍ഷഭാരത സാംസ്കാരത്തിന് നിരക്കാത്ത സംഭവങ്ങള്‍ എവിടെയെങ്കിലും നടക്കുന്നതായി ശ്രദ്ധയില്‍ പെട്ടാല്‍ അടുത്തുള്ള നമ്മുടെ കാര്യാലയത്തില്‍ അറിയിക്കണമെന്ന് സംസ്കാരമുള്ള ഏവരോടും അഭ്യര്‍ത്ഥിച്ചു കൊള്ളുന്നു. ധര്‍മ്മ സംസ്ഥാപനാര്‍ത്ഥായ സംഭവാമി യുഗേ യുഗേ എന്നാണല്ലോ... അത് കൊണ്ട് നമ്മള്‍ എവിടെയുണ്ടെങ്കിലും അവിടെ അക്രമമുണ്ടാകും അക്രമം എവിടെയുണ്ടായാലും നമ്മള്‍ അവിടെയുണ്ടാവും.


*ഞങ്ങളുടെ ഭാഷ എല്ലായിടത്തും ഏതാണ്ട് ഒരുപോലെയായത് കൊണ്ട് ചില അക്ഷരത്തെറ്റുകള്‍ വന്ന് പോയിട്ടുണ്ട്; തിരുത്തി വായിക്കുമല്ലോ.

8 comments:

  1. സാംസ്കാരിക പോലീസുകാര്‍ പബില്‍ നടത്തിയ പ്രകടനവുമായി ബന്ധപ്പെട്ട ഒരു പോസ്റ്റ്‍ വായിക്കുന്നതിനിടയിലാണ് ബജ്റംഗ് ദള്‍ പ്രവര്‍ത്തകര്‍ കോളേജില്‍ നിന്നും ടൂറ് പോവുകയായിരുന്ന ബസിന് കല്ലെറിഞ്ഞ വാര്‍ത്ത കണ്ടത്.

    ReplyDelete
  2. ചില ഭാരതവനിതകള്‍ അവര്‍ക്കിഷ്ടമുള്ളവരുടെ കൂടെ ഡാന്‍സ് കളിക്കുന്നതും കള്ളുകുടിക്കുന്നതും (ശിവശിവാ..) ഇങനെ കള്ള് കുടിക്കുക എന്നെഴുതിയത് ശരിയായില്ല. ഭാഷാപരമായി ചിലത് കൂടി നിങള്‍ മനസ്സിലാക്കണം. കള്ള് കുടി എന്നല്ല, മദ്യപാനം അല്ലെങ്കില്‍ സോമപാനം എന്ന് എഴുതൂ. കാര്യചാലക്, പഥസഞ്ചലനം, അപഥസഞ്ചാരം, മദ്യപാനം,ധര്‍മ്മസംസ്ഥാപനം, സമാജം, പൂജനീയ‌‌‌‌‌‌‌----ജി... അങിനെയാണ് ഞങളുടെ ഒരു ലൈന്‍.
    എന്തായാലും, ധര്‍മ്മസംസ്ഥാപനാര്‍ത്ഥം എവിടെ അക്രമമുണ്ടായാലും ഞങള്‍ അവിടെയുണ്ടാകും എന്ന് മനസ്സിലായല്ലോ. ജയ് ഹനുമാന്‍ജി

    ReplyDelete
  3. ‘ഞങ്ങളും’ ദേവകളുമൊക്കെ മദ്യം സേവിച്ചാലാണ് അതിനെ സോമപാനം എന്ന് വിളിക്കുന്നത്. ഹൈന്ദവസംസ്കാരം നശിപ്പിക്കാന്‍ നടക്കുന്നവര്‍ മദ്യം സേവിച്ചാല്‍ അത് വെറും കള്ളുകുടിയോ തണ്ണിയടിയോ മാത്രമാണ്.

    അതായത് ഞങ്ങളിട്ടാല്‍ അത് ബെര്‍മുഡ, നിങ്ങളിട്ടാല്‍ അത് വള്ളിനിക്കറ്... മനസിലായോ?

    ReplyDelete
  4. ബജ്റംഗ് ദള്‍ പ്രവര്‍ത്തകര്‍ കോളേജില്‍ നിന്നും ടൂറ് പോവുകയായിരുന്ന ബസിന് കല്ലെറിഞ്ഞെന്ന വാര്‍ത്ത
    വാര്‍ത്തയില്‍ നിന്ന്:

    A student said: “When we asked them why they were targeting us, they told us to stop cultivating friends from other communities.”

    When contacted by The Hindu, president of the city unit of the Bajrang Dal Sharan Pumpwell said: “It is a natural reaction from us against those who dare to commit moral violations.”

    He claimed that the attack on the bus was based on a tip off by one of the students who was also part of the excursion. “Our boy informed us that several Hindu girls were travelling in the bus which also had Muslim and Christian boys,” he said.

    ReplyDelete
  5. വായിച്ചു..
    ഒന്നും പറയാനില്ല.
    പറഞ്ഞാല്‍...:(

    ReplyDelete
  6. രണ്ടു ദിവസം മുന്പേ ടൈംസ്‌ ചാനലില്‍ ഒരു ടോക്ക് ഷോ ഉണ്ടായിരുന്നു ... അതിലെ ഒരു കമന്റ് ഇങ്ങനെ പോകുന്നു ... " പബ്ബുകളില്‍ പോകുന്ന പെണ്‍കുട്ടികളോട് അവിടെ ഉള്ള ഗയ്സ് വെള്ളമടിച്ചു മോശമായി പെരുമാറും എന്നതിനാല്‍ ഇങ്ങനെ ഉള്ള സ്ഥലങ്ങളില്‍ പെണ്ണുങ്ങളെ നിരോധിക്കണം എന്ന് ... " കൊള്ളവേ... ബസ്സില്‍ കയറിയവരോട് കിളി മോശമായി പെരുമാറിയതിനാല്‍ ബസില്‍ കയറരുത് എന്ന്....കാലം പോയ പോക്കെ....

    ReplyDelete
  7. wt they did is correct!
    hindu ki jai
    hindustan ki jai!

    ReplyDelete